Дзень Волі, нягледзячы на дазвол уладаў на правядзенне святочнага канцэрту і мітынгу ў Менску каля Опернага тэатра, не праходзіць без затрыманняў. Сёння затрыманы каардынатар аргкамітэта па стварэнні партыі Беларуская хрысціянская дэмакратыя па горадзе Орша Яўген Анішчанка. Супрацоўнікі міліцыі затрымалі яго на станцыі Талачын ў цягніку, на якім Яўген Анішчанка ехаў на святкаванне Дня Волі ў Менск. Мы працягваем сачыць за развіццём падзей.
P.S. Стала вядома, што затрымалі Дубровенскую актывістку Аб'яднанай грамадзянскай партыі Наталлю Стрэльчанкаву.
