У Менску адбыўся конкурс на самую прыгожую студэнтку беларускіх вну. Ён быў арганізаваны Беларускім рэспубліканскім саюзам моладзі (БРСМ). Шоў адбывалася ў Нацыянальнай бібліятэцы, прычым уваход быў платны - па квітках. За карону змагаліся 15 дзяўчат з усёй краіны. Акрамя дэфіле, конкурса строяў і творчых змаганняў канкурсанткам прапанавалі выступаць у форме хакейных зборных, такое было прысвячэнне чэмпіянату свету па хакеі, які стартуе ў Менску 8 траўня.
Выйграла конкурс Ганна Мядзелец з Оршы. Цяпер яна вучыцца ў Віцебскім дзяржаўным тэхнічным універсітэце на 2-м курсе. Спецыяльнасць - эканаміст. Для Ганны гэта ўжо не першая перамога ў спаборніцтвах прыгажунь. Раней яна выйграла конкурсы "Менск усмешка", "Міс універсітэт-2013", а на "Міс Віцебск-2013" была прызнана "Міс тэлебачанне". У вольны час студэнтка займаецца танцамі, малюе і чытае кнігі.
Увагу, зрэшты, прыцягвалі не толькі прыгажуні:
Момант уручэння кароны:
Тры дзяўчыны, якія перамаглі ў конкурсе, адправяцца ў Расею, дзе адбудзецца фінал "Каралевы вясны-2014".
