Орша, Грамадства

Па новых правілах

12.04.2014 18:52

2613 праглядаў, 1 каментар

Каля 200 маладых аршанцаў гэтай вясной пойдуць служыць у войска , 10 чалавек пройдуць службу ў рэзерве.

Ідзе вясновы прызыў на тэрміновую ваенную службу і службу ў рэзерве. Каля 200 маладых аршанцаў гэтай вясной папоўняць шэраг навабранцаў, 10 чалавек будуць служыць у рэзерве. Служба ў рэзерве з'яўляецца асаблівасцю прызыву. Яна прадугледжвае абавязковыя заняткі і навучальныя зборы навабранцаў у воінскіх частках для атрымання ваеннай спецыяльнасці без спынення працоўнай дзейнасці. Аршанскія прызыўнікі служаць у воінскіх частках сіл спецыяльных аперацый , авіяцыі і войскаў супрацьпаветранай абароны, дэпартамента транспартнага забеспячэння, ваеннай камендатуры, органах паграничнай службы, унутраных войсках. Але рамантыка ваеннай службы прываблівае не ўсіх. Так , па выніках мінулага восеньскага прызыву ў пракуратуру Аршанскага раёна былі перададзеныя матэрыялы на 37 чалавек , якія ўхіліліся ад прызыву. Распачата 26 крымінальных спраў. Ужо асуджаныя 16 чалавек. Сярод відаў пакаранняў: штрафы ад 100 да 230 базавых велічынь , арышт да 4 месяцаў , абмежаванне волі з накіраваннем у выпраўленчую ўстанову адкрытага тыпу ад 1 да 1,5 гадоў.