Орша, Здарэнні

Былы дырэктар пад следствам

14.04.2018 15:58

3984 прагляду, 2 каментара

Былы начальнік Аршанскага малочнага камбінату абвінавачваецца ў атрыманні хабараў

Крымінальная справа зараз перададзена Следчым камітэтам у пракуратуру - паведамляе БелТА са спасылкай на прадстаўніка СК. Цікава, што па справе ў якасці абвінавачанага праходзіць толькі былы дырэктар. Тыя хто давалі хабары ад адказнасці вызваленыя, бо самі добраахвотна паведамілі пра карупцыю дырэктара. Справа тычыцца падзеяў міулага года - хабары дырэктар атрымліваў ў перыяд з лютага па верасень 2017 года. Ад некалькіх камерцыйных фірмаў чыноўнік атрымліваў розныя сумы і рэчавыя падарункі за вырашэнне некаторых пытанняў. Напрыклад, за хабар прадукцыю камбінату маглі адгрузіць па-за чаргой. Хабары пры гэтым складалі ад 500 да 1.200 даляраў ЗША. Але перападалі і рэчы. Напрыклад, тыя ж пытанні можна было вырашыць за камплектуючыя да аўтамабіляў БМВ Х5, Фольксваген Мульцівэн, УАЗ Хантэр, або за пабытовую тэхніку, нейкія спартовыя тавары і кан'як. Агулам у справе больш за 10 фактаў перадачы хабараў на агульную суму ў 16.400 беларускіх рублёў. Сам дырэктар віны сваёй не прызнаў, але змешчаны пад варту, а на яго маёмасць (аўтамабілі, кватэры ў Оршы і Мінску, банкаўскія рахункі і наяўныя грошы) накладзены арышт.