Следчым упраўленнем УСК па Віцебскай вобласці распачата крымінальная справа ў дачыненні да галоўнага бухгалтара адной з устаноў адукацыі Аршанскага раёну аб крадзяжы шляхам злоўжывання службовымі паўнамоцтвамі ў асабліва буйным памеры. Устаноўлена, што 43-гадовая жанчына, з'яўляючыся службовай асобай, на працягу двух гадоў, выкарыстоўваючы свае службовыя паўнамоцтвы, здзейсніла крадзеж грашовых сродкаў з разліковага рахунку ўстановы на суму больш за 90 тыс. рублёў. Да снежня 2017 года яна штомесяц дадаткова да авансу і заработнай платы пералічвала грашовыя сродкі на свой асабісты карт-рахунак. Сума такіх пералічэнняў вар'іравалася ад 500 рублёў да 2 000 рублёў. У ходзе праведзенай даследчай праверкі выяўлены факты дадатковых налічэнняў да 4 000 рублёў у месяц.

Аплатныя даручэнні, разліковыя лісткі і іншыя бухгалтарскія дакументы канфіскаваныя ў бухгалтэрыі ўстановы і вывучаюцца следчымі, паведаміла афіцыйны прадстаўнік УСК па Віцебскай вобласці Святлана Сахарава. Акрамя таго, да матэрыялаў крымінальнай справы далучаныя банкаўскія дакументы, якія пацвярджаюць паступленне і зняцце грашовых сродкаў падазраванай.

Да падазраванай прыменена мера працэсуальнага прымусу ў выглядзе абавязацельства аб яўцы. У ходзе расследавання прыняты меры да пакрыцця прычыненай шкоды - галоўны бухгалтар ўжо ўнесла на разліковы рахунак галоўнага ўпраўлення Міністэрства фінансаў па Віцебскай вобласці грашовыя сродкі ў суме больш за 35 тыс. рублёў.

Расследаванне па крымінальнай справе па частцы 4 артыкула 210 Крымінальнага кодэкса Рэспублікі Беларусь (крадзеж шляхам злоўжывання службовымі паўнамоцтвамі, у асабліва буйным памеры) працягваецца.