Адразу некалькі СМІ напісалі пра гэтае здарэнне ў суседнім Шклоўскім раёне. Як паведамляе сайт мясцовай газеты "Ударны фронт" незвычайнае ДТЗ адбылося 23 красавіка а 20-00. На мосце праз Днепр сутыкнуліся трактар і легкавы аўтамабіль "ВАЗ". Абодва транспартных сродкі рухаліся насустрач адно аднаму. Калі быць больш дакладнымі, то сутыкнуўся легкавік не з самім трактарам, а з культуватарам, які выступаў за габарыты. Пасля гэтага легкавушку яшчэ і адкінула ў бок дзе яна сутыкнулася з аўтамабілем "Фіат". У выніку аварыі кіроўца "ВАЗ" шпіталізаваны з траўмай галавы, закрытым пераломам грудной клетцы і траўматачным шокам.
