Для ратавальнікаў гарачая пара не завяршаецца, відаць, ніколі. Калі ўзімку яны ратуюць людзей, якія праваліліся пад лёд, і тушаць пажары, што ўзніклі з-за парушэння бяспекі распальвання печаў, дык улетку пачынаецца ратаванне людзей пры купанні на вадаёмах і тушэнне лясных пажараў.
Знакаміты кар’ер на Шчацінскаўскім возеры даўно з’яўляецца адным з найлюбімейшых месцаў адпачынку сотняў аршанцаў. 2-га траўня на ім гарэла трава, і толькі своечасовыя захады звычайных людзей і пажарнай службы прадухілілі моцны лясны пажар, які мог бы ўзнікнуць. У інтэрнэце апублікавана відэа пажару.
