На гэтым тыдні прэм'ер-міністр краіны наведаў Аршанскі раён - паведамляе БелТА. Высокі чыноўнік цікавіўся сітуацыяй на аршанскіх прадпрыемствах і, як паведамляюць журналісты, пабачыў паляпшэнне сітуацыі ў прамысловасці рэгіёна. Кабякоў пабываў у час паездкі на многіх прадпрыемствах рэгіёна: "Чырвоны барацьбіт", "Аршанскі інструментальны завод", мясакамбінат і Кмбінат хлебапрадуктаў. Дзесці ён адзначыў паляпшэнні, дзесці заўважыў праблемы, але праблемы "іншага узроўню".
Акрамя таго чыноўнік сустрэўся з шэрагам кіраўнікоў іншых прадпрыемстваў. На "Тэхніцы сувязі" прэм'ер заўважыў павелічэнне аб'ёмаў вытворчасці ўдвая. На чысты прыбытак выйшлі такія прадпрыемствы як: "Легмаш", тая ж "Тэхніка сувязі", філіял №7 "Оршабудматэр'ялы" і г.д. І, нават, на інструментальным, які знаходзіцца ў складаным стане, прэм'ер заўважыў пазітыў: рэалізоўваецца інвестыцыйны праэкт з выкарыстаннем інавацыйных тэхналагічных працэсаў, праведзена рэканструкцыя, адбываецца мадэрнізацыя.
