22-га траўня ў міліцыю звярнулася пенсіянерка 1947 году нараджэння, якая паведаміла, што каля 13-й гадзіны невядомы пранік у яе незачынены дом і скраў 250 рублёў з гаманца. Супрацоўнікі міліцыі па гарачых слядах затрымалі непрацуючага нідзе грамадзяніна 1993 году нараджэння. Яму будзе выстаўлена абвінавачанне па частцы 2 артыкулу 205 Крымінальнага кодэксу Рэспублікі Беларусь.
23-га траўня ў міліцыю звярнуўся пенсіянер 1949 году нараджэння, які паведаміў, што ў перыяд з 21-й гадзіны 22-га траўня да 9 гадзін 23-га траўня неўсталяваны злачынца выставіў аконную шыбу і пралез у яго асабістую лазню, што знаходзіцца па месцы жыхарства. Там ён здзейсніў крадзеж гіраскутэра, балгаркі, трох вудаў і спінінга. Матэрыяльная шкода склала 850 рублёў. Узбуджана крымінальная справа па частцы 1 артыкулу 205 Крымінальнага кодэксу Рэспублікі Беларусь.
