Следства шукае пацярпелых ад дзеянняў ураджэнца Оршы - 45-гадовага Алега Станіслававіча Кораня. Яго падазраюць у махлярстве, здзейсненым у буйным памеры, паведамілі ў абласным упраўленні Следчага камітэта.
Па дадзеных следства, падазраваны на розных падставах пазычаў грошы, абяцаў вярнуць іх у самыя кароткія тэрміны, але пры гэтым загадзя не меў намеру выконваць прынятыя на сябе абавязацельствы. З лютага 2011 года па чэрвень 2016 го падазраваны завалодаў грашовымі сродкамі ў памеры больш за 20 тыс. рублёў, якія выдаткаваў на асабістыя патрэбы.
У ходзе следства пацярпелымі прызнаныя шасцёра грамадзян, якія далі паказанні пра факты перадачы 45-гадоваму мужчыну грашовых сродкаў.
Фігурант затрыманы, на яго маёмасць накладзены арышт.
У следчых ёсць падставы меркаваць, што фактаў супрацьпраўнай дзейнасці мужчыны можа быць больш. Таму яны просяць грамадзян, якія пацярпелі ад дзеянняў Кораня, паведаміць пра гэта ў Магілёўскі міжраённы аддзел Следчага камітэта па тэлефонах: 8 (0222) 29-81-28; + 375-33-399-40-04 (з 9.00 да 18.00).
