Пра тое, што крама зачынілася гаворыцца на аб'яве, якая вывешана на вітрыне "Роднага кута" на вуліцы Міра. Аб'ява, як у гумарэсцы, паведамляе: "Крама не працуе зусім!". "Родны кут" - дзяржаўная гандлёвая сетка, якая абслугоўвае пераважна вясковыя населеныя пункты, але ў якасці выключэння яна мела пару крамаў і ў самім горадзе. Ва ўмовах канкурэнцыі дзяржаўны гандаль не выжывае, што паказаў і прыклад замены на Еўраопт дзяржаўных крамаў у вёсках Аршаншчыны. Не выжыў і "Родны кут".
Хаця аб'ява і гаворыць, што крама не працуе "Зусім!", відавочна, што такое памяшканне ў цэнтры горада пуставаць не будзе. Што прыйдзе на змену банкрутам пакуль не вядома.
