Мужчына 1979 года нараджэння за стырном асабістага аўтамабіля BMW 525, паварочваючы з вуліцы Магілёўскай на вуліцу Чарняхоўскага на дазваляльны сігнал светлафора, наехаў на выхаванку ясляў-сада, якая разам з мамай пераходзіла дарогу. Для іх таксама гарэў дазваляльны сігнал светлафора, паведаміў начальнік аддзялення агітацыі і прапаганды ДАІ УУС Віцебскага аблвыканкама Аляксандр Казючыц. Дзяўчынка з дыягназам "пералом ніжняй траціны галёнкі са змяшчэннем" шпіталізавана ў дзіцячае хірургічнае аддзяленне гарадской лякарні №1 Оршы. Маці не пацярпела.
У кіроўцы ўзятыя биоанализы. Паводле папярэдняй інфармацыі, ён цвярозы. Па факце ДТЗ распачата крымінальная справа па ч.2 арт.317 КК. Верагодна, кіроўца не зарыентаваўся, што неабходна прапусціць пешаходаў, нягледзячы на тое, што для яго гарэла дазваляльнае святло светлафора, бо для пешаходаў таксама быў зялёны.
Гэта ўжо другая аварыя з удзелам дзіцяці крыху больш чым за тыдзень. 29-га траўня на вуліцы Бабкова Opel Vectrа збіў 14-гадовую школьніцу. Ідзе пошук сведкаў аварыі.
Фота СК.
