Орша, Культура

Проста не перашкаджайце (фота, відэа)

07.06.2018 13:28

3639 праглядаў, 12 каментароў

Пад Оршай адбылася дыскусія па праблеме развіцця сучаснага мастацтва ў рэгіёне

На дыскусію, якая адбылася на аграсядзібе "Пуцяціна" з'ехаліся як творцы (мастакі, музыкі, пісьменнікі), так і культурніцкія мэнэджэры, якія ў розныя часы праводзілі мерапрыемствы ад афіцыйных карцінаў і выставаў да кватэрнікаў і прыроднікаў. А з-за неразвітасці ў нашай краіне шоў-бізнэсу многім, насамрэч, даводзіцца сумяшчаць гэтыя дзве іпастасіі - асобных арганізатараў мерапрыемстваў у краіне мала, а тым больш у рэгіёнах.

На дыскусіі адзначалася, што ў Оршы - як і ва ўсёй краіне - з 2001 года ўлады імкнуліся кантраляваць культурніцкую дзейнасць (увялі чорныя спісы музыкаў, пачалі правяраць тэксты песень, забараняць мерапрыемствы і г.д.), што прывяло да агульнага змяншэння колькасці мерапрыемстваў і змяншэння ў інфармацыйнай прасторы колькасці беларускай культуры, якую замяніла культура расейскай папсы. Больш чым за 10 год такога кантролю ў Оршы спынілі існаванне шэраг мерапрыемстваў: рэгулярныя "Рок-сэйшны", металатэкі, бардаўскія выступы, фестываль "Эндарфін" і амаль знік фестываль на Крапівенскім полі. Пры гэтым, альтэрнатывы дзяржаўныя органы прапанаваць амаль не змаглі - сёння Орша ці не адзіны горад са 100.000 насельніцтвам, дзе няма аніводнага культурніцкага фестывалю. А рок-гурты, якія яшчэ спрабуюць выступаць, можна цяпер пералічыць на пальцах адной рукі. І хаця з 2014 года ў краіне (у тым ліку і ў рэгіёнах) заўважаецца лібералізацыя ў галіне кульутры, да Оршы гэтая лібералізацыя не дайшла.

Што ж у такім выпадку рабіць? Тут меркаванні падзяліліся. Нехта прапаноўваў паспрабаваць дамовіцца з уладамі пра лібералізацыю, асабліва ў сувязі са зменамі ў аддзеле культуры. Нехта прапаноўваў проста на вуліцы рабіць мерапрыемствы, не зважаючы на тое, што ўдзельнікі будуць з вялікай верагоднасцю затрыманыя. Але найбольш удзельнікаў пагадзіліся, што варта паспрабаваць стварыць альтэрнатыўную культурніцкую пляцоўку ў горадзе, як гэта зроблена ўжо ў многіх гарадах. Пры чым, недахопаў у памяшканнях у горадзе няма, асабліва, на прамысловых прадпрыемствах. А ў Мінску некаторыя такія арт-прасторы і ствараліся ў закінутых цэхах заводаў. Застаецца пытанне, а ці не будзе перашкаджаць улада і альтэрнатыўнай пляцоўцы. Удзельнікі дыскусіі вырашылі паспрабаваць сустрэцца з мэрам горада, каб папрасіць яго не перашкаджаць. З іншымі чыноўнікамі папярэднія размовы на гэтую тэму поспеху не прыносілі. Абгаварылі ўдзельнікі мерапрыемства і пытанне пра магчымасць стварэння ў Оршы фестывалю. Было прапанавана арганізаваць міжнародны літаратурна-музычны фестываль пад назвай "Мур" (Сцяна), які можна правесці і на альтэрнатыўных пляцоўках без узгаднення з уладамі.

Пад час дыскусіі ўзнікла і яшчэ адно пытанне: а ці хапае ў Оршы колькасці творцаў і ці дастатковая іх якасць, каб гэтая пляцоўка была запатрабаваная? Адказ на гэтае пытанне паспрабавалі даць арганізатары ў другой палове мерапрыемства. Пасля дыскусіі практычна і распачаўся міні-фестываль. На ім былі выстаўлены жывапіс, графіка, фотавыстава і нават упершыню ў Оршы невялікая частка калекцыі запалак. У Оршы некалькі чалавек займаюцца калекцыянаваннем карабкоў ад запалак і гэта была перашая спроба паказаць калекцыі публіцы. У музычна-паэтычнай частцы выступілі тыя гурты, якія звычайна выступаюць у электрычным варыянце, але для гэтага мерапрыемства зрабілі акустычную праграму. Асобна парадаваў выступ легенды аршанскай рок-сцэны Міхаіла Осіпава. Міхаіл не выступаў на сцэне з-за хваробы каля 10 гадоў. І ўвогуле ўпершыню выступаў без калектыва ў акустычным варыянце. Таму і назваў сябе "пачынаючым музыкам".

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Проста не перашкаджайце (фота, відэа)

Пад Оршай адбылася дыскусія па праблеме развіцця сучаснага мастацтва ў рэгіёне

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

Аршанскі
рэгіянальны
партал

Орша, Культура

Проста не перашкаджайце (фота, відэа)

Последние новости

Обсуждение новости: Проста не перашкаджайце (фота, відэа)

Колькі трэба зарабляць у Воршы, каб жыць камфортна?

1000 — 1500
1501 — 2000
2001 — 2500
Больш за 2500
Колькі мне трэба, столькі ў Оршы не заробіш

архив голосований