Алею з 15 клёнаў высадзілі на вуліцы Станцыённая ўздоўж дарогі каля дамоў №1а і №1б работнікі ЖЭУ №5. З просьбай аб высадцы алеі ў выканкам звярталіся жыхары гэтых і суседніх дамоў, раней каля дамоў былі невялічкія самапальныя палісаднічкі, але з-за "неэстэтычнасці" іх знеслі. Пасля палісаднікаў утварыліся неэстэтычныя і недабраўпарадкаваныя пустыры. Менавіта таму самі жыхары прапанавалі высадзіць алею з дрэваў і кустоў, якія хаця б трохі прыкрывалі дадзеныя пустыры, ды заадно крыху сталі б зялёнай агароджай жылых дамоў ад чыгункі.
У далейшым побач з клёнамі плануецца высадка кустоўя.
