Аварыя адбылася ў ноч з 9 на 10 чэрвеня каля 23-55 не далёка ад Андрэеўшчыны на трасе М-8 (Е95) - паведамляе сайт дзяржкамітэту судэкспертызы. Малады лось выскачыў у цемры на трасу и аўтамабіль не паспеў своечасова спыніцца. У выніку адбылося сутыкненне. У такіх выпадках хаця жывёла і гіне, тым хто знаходзіцца на пярэдніх сядзеннях таксама дастаецца. Бо, ламаючы ногі, туша звера падае прама на лабавое шкло - вага і хуткасць робяць сваю справу.
Так атрымалася і ў дадзеным выпадку. Лось загінуў на месцы, а 30-гадовы кіроўца і яго 27-гадовая пасажырка атрымалі траўмы з-за якіх былі шпіталізаваныя.
Гэта не адзіная падобная сітуацыя ў вобласці. На наступны вечар лася збіў аўтамабіль у Бешанковіцкім раёне. Прэсавая служба судэкспертызы тлумачыць гэта тым, што ў дадзены час года ласіхі збягаюць ад сваіх цялятаў. А тыя разгубіўшыся, бывае, выскокваюць начамі на дарогі. Асабліва часта яны выбягаюць менавіта ў прешыя гадзіны ночы.
