Пра здарэнне распавёў Следчы камітэт на сваім афіцыйным сайце. 14 чэрвеня трое знаёмых (41-гадовая жанчына, 43-гадовы мужчына і 71-гадовы мужчына) паехалі да знаёмай на лецішча ў адзін з дачных кааператываў Аршанскага раёна. Знаёмая ўладальніца лецішча была не супраць, але сама "гуляць" не паехала. Як гэта часта бывае, пасля пэўнай колькасці выпітага паміж удзельнікамі гулянкі ўзнікла спрэчка. Ноччу 71-гадовы пенсіянер нанес 43-гадоваму субутэльніку некалькі цялесных пашкоджанняў ад якіх той памёр. Пенсіянер палічыў за лепшае збегчы з месца здарэння, каб пазбегнуць пакарання.
Цела забітага было знойдзена раніцай 15-га чэрвеня. Не шмат часу спатрэбілася і для таго, каб знайсці і збегшага пенсіянера. Пенсіянер затрыманы і знаходзіцца пад вартай, а жанчына, якая была ўдзельніцай п'янкі будзе вымушана прыходзіць у следчыя органы па першым жа выкліку.
