Пра тое, што на Магілёўскай ў часы сталінскіх рэпрэсій расстрэльвалі людзей старажылі ведалі. Падобна на тое, што ў савецкія часы некаторыя магілы тут былі раскапаныя, бо ў Акце абследвання пахаванняў на Кабыляцкай гары 1982 года ўзгадваюцца і растрэльныя ямы "у лесе каля вёскі Паддубцы" (сёння частка Панізоўя).
У канцы 80-пачатку 90-х шмат вусных сведчанняў пра тыя расстрэлы на Магілёскай шашы змаглі сабраць і краязнаўцы. Тады стала вядома, што ў тым лесе растрэльвалі духавенства. Але і сёння можна зафіксаваць сведчанні хаця і не сведкаў тых падзеяў, але іх нашчадкаў. Такое сведчанне на сваім канале ў ю-туб размесціла нядаўна Паліна Сцепаненка.
Пра растрэлы распавядае Аляксандар Казлоў сям'я якога жыла ў апошнім доме па Магілёўскай. Каля іх дома не рэдка спыняліся супрацоўнікі НКУС пасля расстрэлаў - на мясцовым калодзежы яны ўмываліся, а данойчы, нават, папрасілі рыдлёўку. Як і ў ранейшых сведчаннях зафіксаваных краязнаўцамі, узгадвае Аляксандар і пра тое, што людзі бачылі кепска закапаныя часткі целаў расстраляных.
