У інтэрнэце актыўна публікуецца эмблема створанага ў Оршы прафесійнага хакейнага клуба "Лакаматыў". У малюнку ўгадваецца літара "Л", якая здаўна сімвалізуе ўсе каманды таварыства "Лакаматыў" і каманды, якія да таварыства не належаць, але носяць такую назву.
Акрамя таго, "Лакаматыў" афіцыйна заявілі ў Кубак Салея (Кубак Беларусі). Акрамя аршанскіх чыгуначнікаў у Кубку прымуць удзел менскае "Юнацтва", салігорскі "Шахцёр", гарадзенскі "Нёман", "Гомель", "Маладзечна", жлобінскі "Металург", "Ліда", "Магілёў", наваполацкі "Хімік", "Брэст", "Віцебск", Моладзевая зборная Беларусі (да 20 гадоў), Юніёрская зборная Беларусі (да 18 гадоў).
