Мост на Магілёў цераз раку Адроў знаходзіцца непадалёк ад вёскі Целянцеева. Першы раз трацілавыя шашкі пад мостам знайшлі 10-га ліпеня. Тады былі знойдзеныя 54 штукі, іх адшукалі, калі разабралі частку чыгуначнага насыпу, зняўшы рэйкі. Але, як аказалася, мост утойваў у сабе яшчэ адну схованку з трацілам, якая па шчаслівай выпадковасці не ўзарвалася. Там было яшчэ 100 трацілавых шашак вагой 400 грамаў кожная. Агульная вага закладзенага пад мост траціла склала 60 кілаграмаў.
Хутчэй за ўсё, траціл заклалі сюды падчас ІІ Сусветнай вайны, пра сведчылі і пагнілыя дошкі на скрыні з трацілам. Штодня па мосце хадзілі чыгуначныя саставы, але амаль 80 гадоў выбухованебяспечны груз, на шчасце, заставаўся ў спакоі.
