Аршанскія ратавальнікі атрымалі паведамленне пра ртуць на дарозе ў 13:06 у аўторак, 17-га ліпеня. Яны выехалі па адрасе Астроўскага, 1. Па прыбыцці на месца высветлілася, што ў пазах паміж пліткай знойдзена ртуць на плошчы 15 квадратных метраў і вагой 130 грамаў. Работнікамі аддзялення хімічнай і радыяцыйнай абароны ПАВЧ-2 быў праведзены механічны збор ртуці, якая была герметычна ўпакаваная і дастаўленая ў пункт захоўвання ПАВЧ-2 Аршанскага ГРАНС. На месцы знаходжання ртуці праведзены дэмеркурызацыйныя работы.
Адкуль атрутны метал з`явіўся на дарозе ўстанаўліваюць супрацоўнікі міліцыі. Пагрозы жыццю і здароўю грамадзян, як паведамляе сайт МНС, няма.
