Другі такі помнік знаходзіцца на могілках па вуліцы Пралетарскай. Пастаўлены ён відавочна па ініцыятыве праваслаўных вернікаў, але хто і калі яго ўсталяваў у царкве распавесці не змаглі. Помнік уяўляе з сябе 4 крыжы з імёнамі праваслаўных святароў растраляных у часы "Вялікага тэрору". Відавочна, што целы саміх святароў знаходзяцца не на могілках. Такім чынам былі ўшанаваныя іерэй Феадор, Мітрафан, Васілій і Сергій. Усе яны растраляныя ў 1937 годзе.
Агулам у вядомых спісах растраляных у Оршы (яны няпоўныя) даследчыкі на сёння выявілі 19 служыцеляў розных канфесій: 17 праваслаўных святароў, 1 ксёндз і 1 равін. Па версіі краязнаўцаў, якая грунтуецца на запісаных успамінах сведкаў, служыцеляў царквы растрэльвалі пераважна ў лесе па Магілёўскай шашы. Адзін з успамінаў гаворыць пра растрэлы ксяндзоў у балоце не далёка ад сёняшняй станцыі "Орша-Паўночная", але раскопкамі на ўсю Аршаншчыну падцверджана толькі адно месца масавых растрэлаў - Кабыляцкая гара.
