Прызначаючы Віталя Воўка на пасаду свайго памошніка па Віцебскай вобласці, прэзідэнт выказаў былому міністру вялікую прамову пра тое як яму трэба работаць.
Нагадаем, што гэты міністар пасля разносу ў Оршы павінен быў (па словах Лукашэнкі) адправіцца або ў Оршу, або ў турму. Але адправіўся ў Віцебск на пасаду памошніка прэзідэнта. Сам Лукашэнка патлумачыў гэтую пасаду як падвышэнне: гэтая пасада роўная міністру, а паўнамоцтвы інспектара - яшчэ вышэй, бо тычацца кадравых пытанняў - цытуе Лукашэнку БелТА.
Хаця міністар і не паехаў у Оршу, наш горад яму яшчэ доўга будзе сніцца: "Але май на ўвазе: Орша застаецца за табой. Гэта твая зона адказнасці. І, я думаю, на гэтай пасадзе ў цябе ёсць магчымасць многія пытанні ўзяць пад кантроль, падказаць і арганізаваць як іх вырашыць. Галоўнае, каб досвед быў перанесены туды".
А чаму Воўка прызначылі не ў Оршу ды не адправілі ў турму, прэзідэнт патлумачыў так: "І я прама хачу сказаць: усе будуць задавацца пытаннем, чаму Воўк, - мне проста шкада Воўка як кіраўніка прадпрыемства. Бо харошы быў у цябе завод... ...Вось шчыры і сумленны адказ." У гэтай фразе маецца на ўвазе Мінскі завод колавых цягачоў, якім раней кіраваў Воўк.
