Абодва пажары адбыліся 14 кастрычніка. Днём каля 14 гадзіны ў вёсцы Александрыя Сененскага раёна, якая знаходзіцца не далёка ад Багушэўска загарэўся жылы дом. Будынак атрымаў значныя пашкоджанні: цалкам знішчаны дах, пашкоджана столь, сцены і маёмасць, якая была ў доме.
Другі пажар адбыўся вечарам таго ж дня ў Смалянах Аршанскага раёна. Тут загарэлася адна з гаспадарчых пабудоваў у двары пажылой жанчыны. МНС паведамляе, што гэта была лазня. На тушэнне пажару прыехала некалькі машынаў ратавальнікаў, праўда, столькі было не патрэбна і адна з машынаў, застаўшыся без справы, тут жа паехала назад. Пажар быў патушаны застаўшыміся. Але будынак паспеў атрымаць значныя пашкоджанні.
