Раніцай 12 кастрычніка 27-гадовы аршанец паехаў са знаёмымі ў Віцебск - дзяўчыны папрасілі давесці іх да абласнога цэнтра. Каля вёскі Высокае - прынамсі, па апісанні і фота сайта УУС падобна, што гаворка ідзе менавіта пра гэтую камеру - ён патрапіў з перавышэннем хуткасці на фотафіксацыю. Да, гэтая камера ўжо выпісала штраф ні аднаму кіроўцу, але і прывучыла многіх да дысцыпліны. Але дысцыплінаваць гэтага парушальніка не атрымалася. Ехаўшы назад, ён ізноў перавысіў хуткасць на дадзеным участку (знакі прадпісваюць у гэтым месцы зніжаць хуткасць, бо траса праходзіць па самой вёсцы). Два штрафы маладзёну падалося зашмат.
Кіроўца спыніўся каля трасы, накінуў пятлю на камеру, а другі канец вяроўкі прывязаў да машыны. Машына паехала ды і камера за ёй. Прычым, хлопец не проста зламаў камеру, ён забраў яе з сабой, каб знайсці сваё фота ў памяці апарата. Не ведаў парушальнік, што камера не запамінае машыны і людзей, а адразу перадае іх у Мінск. Больш за тое, подленькі апарат перадаў і фоткі таго як мужчына ламаў камеру. Таму ўжо раніцай наступнага дня дамоў да хлопца ў пошуках зніклай камеры прыйшлі міліцыянты.
У рэальнасці, хлопцу было б прасцей аплаціць і два і, нават, тры шрафы чым дамаць прыбор. Цяпер за паломку ды крадзёж апарата яму пагражае штраф (разам з кампенсацыяй стратаў) больш чым у 24.000 рублёў, а, магчыма, і турэмнае зняволенне.
