Колькасць дарожна-транспартных здарэнняў павялічылася. Амаль кожны дзень адбываюцца аварыі пра якія паведамляе суполка абласнога ДАІ ў сацыяльных сетках. Падобна на тое, што гэта звязана з сезонным пагаршэннем умоваў руху: туман, мокрая і слізкая дарога.
Так, 20 кастрычніка каля 10 раніцы на старой Віцебскай трасе каля вёскі Ліпаўцы (Віцебскі раён) сутыкнуліся Фольксваген і Аўдзі. 86-гадовы кіроўца Фольксвагена, едучы ў кірунку Віцебска, не справіўся з кіраваннем і выехаў на сустрэчную паласу руху. Там ён сутыкнуўся з Аўдзі А6, якім кіравала віцебчанка 1965 года нараджэння. У выніку з траўмамі ў бальніцу быў дастаўлены кіроўца Фольксвагена.
