Цэнтралізаванае тэставанне ўжо некалькі год служыць "пропускам" беларускіх абітурыентаў у вышэйшыя навучальныя ўстановы. Графік праходжання па прадметах такі: Беларуская мова - 14 чэрвеня (субота);  Руская мова - 15 чэрвеня (нядзеля);  Грамадазнаўства - 17 чэрвеня (аўторак);  Біялогія - 19 чэрвеня (чацвер);  Матэматыка - 20 чэрвеня (пятніца);  Гісторыя Беларусі - 22 чэрвеня (нядзеля);  Хімія - 23 чэрвеня (панядзелак);  Фізіка - 24 чэрвеня (аўторак);  Сусветная гісторыя найноўшага часу - 25 чэрвеня (серада);  Замежная мова (англійская, нямецкая, французская, іспанская) - 27 чэрвеня (пятніца);  Геаграфія - 28 чэрвеня (субота).  Час пачатку правядзення цэнтралізаванага тэставання - 11.00.

Здаваць Цэнтралізаванае тэставанне можна і ў нашым горадзе. У Оршы месцам здачы ЦТ традыцыйна стане Аршанскі механіка-эканамічны каледж.

Прадугледжана здача ЦТ і ў рэзервовы дзень - 5 ліпеня (субота). Зарэгістравацца на праходжанне ЦТ у рэзервовы дзень можна з 27 чэрвеня па 1 ліпеня. Рэгістрацыя на 5 ліпеня будзе праходзіць у Беларускім дзяржаўным універсітэце, Беларуска-Расійскім універсітэце, Брэсцкім дзяржаўным тэхнічным універсітэце, Гродзенскім дзяржаўным універсітэце імя Я.Купалы, Віцебскім дзяржаўным тэхналагічным універсітэце або Гомельскім дзяржаўным тэхнічным універсітэце імя П.А.Сухога. Час пачатку ЦТ у рэзервовы дзень 11.00.