Уся сітуацыя пачыналася з таго, што ў траўні мінулага года 21-гадовага дзяўчына ў Сененскім раёне не справілася з кіраваннем легкавушкі і па яе віне - прынамсі так палічыў суд - загінула 17-гадовая дзяўчына і 16-гадовы хлопец. Дзяўчына-кіроўца атрымала сваё судовае пакаранне і выплаціла бацькам загінулых даволі вялікую грашовую кампенсацыю. Але бацька загінулага хлопца паходзіў з Арменіі і гарачы каўказскі нораў патрабаваў большай помсты.
Ён пачаў шукаць кілера, каб той пакалечыў вінаватую ў смерці яго старэйшага сына (у сям'і было два дзіцёнкі, а з таго часу нарадзіўся яшчэ і малодшы сын) і гатовы быў заплаціць за гэта тысячу даляраў. Па ўмовах здзелкі кілер павінен быў пазбавіць дзяўчыну рукі, нагі і вачэй. Пошукі кілера заўважылі міліцыянты. З тае пары ўвесь працэс ішоў пад іх кантролем.
А затрымалі замоўшчыка тады калі ўмоўны кілер прадставіў яму адфоташоплены фотаздымак ахвяры - у яе на фотаздымку не было адной канечнасці. Тады заказчыка і затрымалі і з таго часу ён знаходзіцца пад вартай.
5 лістапада распачаўся суд, які мусіць прыняць рашэнне аб пакаранні бацькі загінулага падлетка - паведамляе сайт tut.by.
