Як паведамляе пашуковы атрад "Анёл", жаночае цела, а дакладней косткі ад яго знойдзена каля трасы Е95 не далёка ад вёскі Шатравіна. Цяпер высвятленнем асобы жанчыны займаецца Аршанскі УУС. Але справа гэтая не з лёгкіх, бо цела праляжала ў зямлі не меньш за 5 год, а, можа, і ўсе 15, а, можа, м яшчэ больш. За гэты час ад цела засталіся толькі косткі на аснове якіх эксперты больш-меньш змаглі аднавіць яе прыблізны знешні воблік. Побач з косткамі былі знойдзеныя: кофта ці швэдар чырвонага колеру, бюстсгалцер чорнага ці шэрага колера, заколка чорная тыпу "Краб", аранжавая газавая запальнічка, дзве завушніцы ці нейкая іншая падобная біжутэрыя круглай формы.
Асаблівыя прыкметы: на пярэднім левым першым зубе каронка з жоўтага металу на верхняй сківіцы, а на месцы другога зуба каронка з палімернага матэр'ялу.
Калі гэтае апісанне, або прыблізна адноўлены знешні выгляд жанчыны вам вядомае, вы здагадваецеся чыё цела было знойдзена, то пазваніце ў міліцыю па тэлефоне 102 або 7733.
