Рэгіён, Здарэнні

Чорнаметалічнае месца

03.12.2018 12:26

2846 праглядаў, 2 каментара

На адным і тым жа ўчастку трасы міліцыя злавіла дзве машыны з кантрабандай

Пост каля вёскі Заольша Лёзненскага раёну, які ўчынілі супрацоўнікі міліцыі з аддзелу па барацьбе з эканамічнымі злачынствамі Віцебска прынес дзве буйныя канфіскацыі чорнага металу. На трасе якая вядзе з Віцебску на Смаленск зусім побач з Расейскай мяжой вечарам 29 лістапада міліцыянты затрымалі аўтамабіль "Сканія" пад кіраваннем жыхара Полацка, які перавозіў 10,6 тон чорнага металалому. А ў ноч ў 2 на 3 чысло там жа каля Заольшы быў спынены аўтамабіль "Даф" пад кіраваннем іншага жыхара Полацка. Новы палачанін вёз 28,2 тоны чорнага металалалому. У абодвух выпадках у кіроўцаў не было дакумантаў, якія неабходныя для правозу металу праз мяжу. У такіх выпадках груз канфіскуецца, а кіроўцы атрымліваюць штраф.