Моцны снег і галаледзіца стварылі на "Алімпійскай" трасе вельмі небяспечныя ўмовы руху. Відавочцы паведамілі нам, прынамсі, пра чатыры аварыі, якія адбыліся на ўчастку трасы, які праходзіць па Талачынскім, Аршанскім і Дубровенскім раёнах. У адным з выпадкаў для дапамогі пасажырцы спатрэбілася выклікаць ратавальнікаў. Пра яго распавядае свежая зводка МНС.
Аварыя адбылася ў нядзелю 2 снежня рана раніцай прыблізна а 6 гадзіны, калі дарожныя ўмовы былі яшчэ не самыя кепскія (на працягу дня сітуацыя пагаршалася). Каля вёскі Рыжычы Талачынскага раёна сутыкнуліся легкавы і грузавы аўтамабілі, якія ехалі ў адным кірунку. У выніку аварыі ў салоне легкавушкі аказалася заблакаваная пасажырка, каб дастаць яе і давялося выклікаць ратавальнікаў. У выніку аварыі сур'ёзных траўмаў ніхто не атрымаў ні ў грузавіку, ні ў легкавушцы.
