Мы ўжо паведамлялі пра аварыю якая адбылася нядзельнай раніцай на трасе М1 на тэрыторыі Талачынскага раёна. Артыкул быў напісаны паводле інфармацыі Міністэрства па надзвычайных сітуацыях. Зводка МНС паведамляла, што легкавы і грузавы аўтамабіль сутыкнуліся па "касацельнай" і ў выніку спатрэбілася джапамога ратавальнікаў для дэбоакіроўкі жанчыны, якая ў легкавушцы была ў якасці пасажыркі.
Іншую версію здарэння і фотаздымкі апублікавала абласное ДАІ на сваёй старонцы ў сацыяльных сетках. Паводле дарожнай міліцыі, аўтамабілі сутыкнуліся не па касацельнай. На заснежанай дарозе грузавік занесла так моцна, што той стаў перпендыкулярна дарозе. Вось у гэты момант у яго і ўляцеў аўтамабіль "Лада Самара". Ладу размалаціла так моцна, што пасажырка сама выйсці з яе не змагла. Вось тады і ўмяшаліся ў справу ратавальнікі. У адрозненні ад інфармацыі МНС, ДАІ паведамляе, што 28-гадовая пасажырку, якую давялося даставаць гідраўлікай, была шпіталізаваная з цяжкімі траўмамі галавы.
