Следчыя завяршылі расследаванне справы аб дарожна-транспартным здарэнні ў Оршы, у выніку якога пацярпела школьніца. Матэрыялы крымінальнай справы перададзеныя пракурору для накіравання ў суд. Пра гэта паведаміла афіцыйны прадстаўнік УСК па Віцебскай вобласці Аксана Лазько.
Нагадаем, аварыя адбылася ўвечары 29 траўня. Кіроўца Opel Vectrа ехаў па вуліцы Юрыя Бабкова з боку праспекта Тэкстыльшчыкаў ў напрамку вуліцы 60 год БССР і паблізу дома № 4 здзейсніў наезд на школьніцу, якая пераходзіла праезную частку па нерэгуляваным пешаходным пераходзе. У выніку ДТЗ 14-гадовае дзіця атрымала цяжкія цялесныя пашкоджанні.
Спецыялісты Дзяржаўнага камітэта судовых экспертыз ўсталявалі, што кіроўца ў момант здзяйснення ДТЗ знаходзіўся ў стане, выкліканым ужываннем наркатычных сродкаў, а таксама кіраваў тэхнічна няспраўным аўтамабілем. Няспраўнасці аўтамабіля складаліся ў запаветрыванні левага тармазнога контуру, заглушванні тармазных механізмаў задніх колаў, адсутнасці тармазнога механізму задняга правага кола, што забараняла яго ўдзел у дарожным руху.
Следчыя прад'явілі 28-гадоваму кіроўцу з Шклова абвінавачанне па частцы 4 артыкула 317 КК Беларусі. Ён заключаны пад варту.
