Свежая зводка абласной міліцыі паведаміла пра два старых крадзяжы, якія адбыліся ў Аршанскім раёне яшчэ ў лістападзе. Прычым у абодвух выпадках гэта крадзяжы мабільных тэлефонаў.
Так, - паведамляе зводка - Раніцай 18 лістапада ў міліцыю звярнуўся 28-гадовы начальнік вытворчасці аднаго з прадпрыемстваў. Ён паведаміў, што ноччу, дакладней у перыяд з 0 гадзін па 2-30 у яго знік мабільнік. Мужчына пакінуў яго без нагляду чым і скарыстаўся злачынца. Кошт тэлефона ацэнены ў 400 рублёў.
У другім выпадку 22 лістапада вечарам у міліцыю звярнулася 39-гадовая жанчына. У яе невядомы скраў мабільнік "Хуавэй" коштам у 230 рублёў.
У абодвух выпадках былі заведзены крымінальныя справы, але знайсці злачынцаў і тэлефоны пакуль міліцыі не ўдалося.
