Орша, Грамадства

Транспартны калапс

21.12.2018 13:58

3072 прагляду, 18 каментароў

Зімовым вечарам з'ехаць з чыгуначнага вакзала ў іншы раён — вялікая праблема.

У Оршы ўжо некалькі гадоў назіраецца праблема з аўтобусамі і маршруткамі з чыгуначнага вакзала. А сёлета яна яшчэ і вырасла. У нашу рэдакцыю звярнуліся жыхары, абураныя сітуацыяй, якая створана ў горадзе. Людзі заяўляюць, што выехаць у іншы горад стала вялікай праблемай. У прыклад прыводзяцца цягнікі з Менску і Віцебску, якія прыбываюць у Оршу пасля 20-й гадзіны. Тады аўтобусаў мала, а маршруткі не могуць умясціць усіх жадаючых. Да таго ж, людзі апранутыя адпаведна маразам, у цёплых куртках і паліто і з сумкамі з дарогі. Маленькія "Газелі" не ў стане ўзяць "на борт" кожнага, яны і так з'язджаюць з вакзала перапоўненыя, людзі стаяць у вузкіх праходах усю дарогу, нярэдка нават да Андрэеўшчыны ці мікрараёнаў. У горадзе яшчэ больш абвастрылася транспартная праблема, з якой ні аўтобусны парк, ні адміністрацыя Оршы пакуль не збіраецца спраўляцца.