Здарэнне адбылося 19 снежня ў адным з гандлёвых павільнаў каля вакзалу - зводка УУС, якая паведамляе пра здарэнне не ўдакладняе ў якім канкрэтна гандлёвым аб'екце ўсё адбылося. Каля 11 гадзін раніцы ў павільён зайшоў мужчына, які, відавочна, вельмі хацеў піць ці, дакладней, выпіць. Проста з прылаўка мужчына схапіў бутэльку піва, адкаркаваў яе і пачаў піць не дайшоўшы да касы. Канешне, прадаўцам гэта не спадабалася. Адна з прадаўшчыц зрабіла заўвагу мужчыне. Але той не спыніўся, ён разбіў бутэльку аб вітрыну запатрабаваў ад праўшчыц грошай. Другая прадаўшчыца ў гэты момант націснула "трывожную кнопку".
Як высветлілі прыехаўшыя супрацоўнікі міліцыі, мужчына быў безпрацоўным жыхаром вёскі Старыя Чамаданы. У яго дачыненні заведзена крымінальная справа, але не па артыкуле рабаўніцтва, а па артыкуле "злоснае хуліганства".
