Традыцыйна міжнародны дзень роднай мовы па ўсім свеце святкуецца 21 лютага, але ў 2019 годзе гэтая дата прыпадае на рабочы дзень, таму аршанская арганізацыя Таварыства беларускай мовы запрашае на святочныя мерапрыемствы 23 лютага ў суботу. Распачнецца аршанскае святкаванне а 14-15 у парку "Казачная краіна" каля помніка Ўладзіміра Караткевіча. Тут удзельнікі адзначэння міжнароднага свята ўскладуць кветкі да помніку пісьменніку, зачытаюць яго вершы.
Працяг мерапрыемства адбудзецца па адрасе вул. Камсамольская д. 16, кв.4. Тут удзельнікі традыцыйнага святкавання змогуць напісаць умоўную дыктоўку па беларускай мове. А дыктаваць будзе наш зямляк, ужо даволі вядомы пісьменнік Павал Севярынец, ён жа прэзентуе свае апошнія выданні звязаныя з яго турэмнымі прыгодамі за палітычныя акцыі пратэсту.
