Затрыманне адбывалася ў два этапы. Першыя 7 машынаў гружаных яблыкамі былі затрыманыя ў апошні дзень зімы - 28 лютага каля вёсцы Старына Горацкага раёна. Расейцы, якія кіравалі машынамі, не змаглі прадставіць неабходныя дакуманты на груз і таму груз канфіскаваны. Як высветлілася, гэта не адзіныя кантрабандныя яблыкі, якія расейцы хацелі вывесці з Беларусі.
На наступны дзень у Горацкім і Мсціслаўскім раёнах былі знойдзены яшчэ 2 фуры з такім жа грузам. Агулам за два дні міліцыянты разам з мытнікамі спынілі 9 машынаў з 48 тонамі яблыкаў. Кошт груза ацэнены ў 57,6 тысяч рублёў. Супраць парушальнікаў распачатыя адміністратыўныя справы - паведамляе сайт Магілёўскай абласной міліцыі.
