Аварыя адбылася 10 сакавіка каля 9-й гадзіны раніцы на аўтадарозе Р-21 "Віцебск-Лёзна-мяжа Расейскай Федэрацыі" паблізу вёскі Навароцце. 27-гадовы жыхар Лёзненскага раёна, кіруючы аўтамабілем "Renault Clio", не справіўся з кіраваннем і выехаў на паласу сустрэчнага руху, дзе здзейсніў сутыкненне з аўтамабілем "Kia Ceed", якім кіраваў мужчына 1959 года нараджэння. У выніку ДТЗ 24-гадовая пасажырка "Renault Clio" з цялеснымі пашкоджаннямі была дастаўлена ў Лёзненскую Цэнтральную раённую бальніцу, паведаміў Аддзел агітацыі і прапаганды ДАІ УУС. Кіроўцы аўтамабіляў не пацярпелі. Па факце ДТЗ праводзіцца праверка.
