Палкоўнік міліцыі Міхаіл Грыб прызначаны Аляксандрам Лукашэнкам новым начальнікам УУС Віцебскага аблвыканкама. Міхаілу Грыбу 38 гадоў (1980 года нараджэння), ён нарадзіўся ў Менску. Грыб скончыў Менскую спецыяльную сярэднюю школу МУС, а пазней Акадэмію МУС і Акадэмію кіравання. У жніўні 1999 года пачаў службу участковым інспектарам Цэнтральнага РАУС сталіцы. Праз сем гадоў з пасады намесніка начальніка ААПП райупраўлення быў пераведзены ў Менскае РУУС намеснікам начальніка МОБіСМ, у 2007-м тут жа ўзначаліў міліцыю грамадскай бяспекі ў статусе намеснік начальніка РУУС. Працаваў таксама намеснікам начальніка МГБ УУС Мінскай вобласці - начальнікам упраўлення аховы правапарадку і прафілактыкі.

Таксама Міхаіл Грыб з 2011 па 2017 працаваў намеснікам начальніка Дэпартамента па грамадзянстве і міграцыі МУС Рэспублікі Беларусь. На гэтай пасадзе ён анансаваў пачатак праграмы ўвядзення біяметрычных пашпартоў у Беларусі.

Узнагароджаны медалямі «За адзнаку ў ахове грамадскага парадку», «За бездакорную службу» трох ступеняў.

Фота "Мінск-навіны".

Цікава, што Грыб, фактычна, ідзе па слядах Кубракова. У мае 2017 года Міхаіл Грыб змяніў на пасадзе тады намесніка начальніка ГУУС Мінгарвыканкама - начальніка міліцыі грамадскай бяспекі Іван Кубракова, якога адправілі камандаваць у Віцебск. Цяпер Грыб зноў займае пасаду Кубракова, якога вяртаюць у Мінск, але ўжо на пасаду начальніка ГУУС.

Сам Кубракоў пабіў антырэкорд свайго папярэдніка Віктара Сянько і кіраваў міліцыяй Віцебскай вобласці нават менш за два гады. Аднак за стол кароткі час ён паспеў стаць генерал-маёрам і атрымаць ордэн.