Інструментальны завод у Оршы даўно знаходзіцца пад пільнай увагай уладаў, аднак на развіццё прадпрыемства гэта асабліва не ўплывала. Урад казаў аб адной падтрымцы завода, потым фінансавую дапамогу зменшылі, а затым прывязалі Інструментальны да Менскага трактарнага завода. 26-га траўня на заводзе адбыўся паказ новых цэхаў, паведаміў тэлеканал "Беларусь 1".
Дырэктар прадпрыемства Віталь Манкевіч адзначыў, што такі паказ цэхаў людзям адбыўся ў Оршы ўпершыню, а робіцца ён дзеля таго, каб моладзь — патэнцыйныя работнікі — ўбачыла абсталяванне завода. Кіраўнік завода паведаміў, што ёсць план ладзіць такі паказ штогод. Адкрыты цэнтр па гарантыйным, паслягарантыйным і сэрвісным абслугоўванні трактараў.
Падзеі на Інструментальным заводзе ў апошнія дні абмяркоўваліся меней, чым на заводзе "Чырвоны барацьбіт", дырэктара якога Аляксандра Шульгіна затрымалі. Імаверна, ён знаходзіцца пад вартай у СІЗА КДБ.
