Як паведамляюць ініцыятары кампаніі па зборы подпісаў, у Оршы доўгі час назіраюцца праблемы ў медыцыне. Гэта перш за ўсё недахоп спецыялістаў, асабліва вузкіх спецыяльнасцяў. Калі лічыць па тых стандартах якія дзяржава ўвяла сама для сябе ў раёне на 1000 жыхароў дактароў меньш чым патрэбна. Другая праблема - зацягнутае будаўніцтва новай бальніцы. За адносна кароткі час сабрана ўжо тысяча подпісаў пад зваротам да Аршанскага райвыканкаму і Віцебскага абласнога выканкаму. Усіх хто таксама жадае падпісацца пад зваротамі, просяць тэлефанаваць па нумары +375-33-3730871, дамовіўшыся пра сустрэчу праз тэлефон да ахвотнага прыйдуць валанцёры.
Паралельна сябры аргкамітэту па стварэнні партыі Беларуская хрысціянская дэмакратыя падалі ў выканкам заяўку на пікет на 31 мая, таксама па праблемах медыцыны.
