За апошнія гады, здаецца, аршанцы ўжо пабачылі шмат чаго ад мясцовага грамадскага харчавання. З’явіліся ў Оршы раней экзатычныя для нас сушы, а шаўрма прадаецца амаль у кожным раёне. Нават пры адсутнасці макдональдса (ці падобных фаст-фудаў) у горадзе можна пакаштаваць гамбургераў ды яшчэ і чорных. Здавалася б, што яшчэ можа прапанаваць сэрвіс арыгінальнага і не дарагога (зразумела, што для Оршы падыходзіць толькі не высокая коштавая катэгорыя)?
Аказваецца, што арыгінальнасці на гэтым не спыняюцца. У гэтым сезоне ў Оршы з’явілася магчымасць пакаштаваць алкагольнае марозіва. Гэта традыцыйнае марозіва, але з дабаўленнем сапраўдных алкагольных напояў. У выніку можна і асвяжыцца і захмялець, калі, канешне, вам дазволяць сродкі. Марозіва нгасамрэч мае не вялікі хмяльны эфект, але каб яго адчуць давядзецца з’есці даволі шмат. Рэцэпт такога марозіва ў свеце з’явіўся літаральна некалькі гадоў таму і першымі яго пачалі рабіць французы. А да нас прыйшло як расейская франшыза і пакуль як арыгінальны дэсерт карыстаецца попытам.
У Оршы пакаштаваць навінку можна ў «парнічку» каля катамаранаў.
