Паводле правілаў дарожнага руху роварысты на нашых дарогах, напэўна, самыя бязпраўныя ўдзельнікі руху. Яны павінны рухацца па адмысловых дарожках, якіх амаль нідзе няма. Калі няма такіх дарожак, то павінны рухацца па пешаходнай зоне не ствараючы перашкодаў для пешаходаў, але не ствараць перашкодаў для пешаходаў амаль не магчыма. Тое самае і з рухам па дарозе - не далей чым 1 метар ад краю праехжай часткі і не ствараючы перашкодаў і толькі ў тым выпадку калі няма ходніка.
Пры сёняшняй папулярнасці ровараў, канешне, адмысловыя дарожкі ствараць патрэбна. Першая з іх з'явілася і ў Оршы. Першая роварная дарожка ідзе па прашпекце Тэкстыльшчыкаў ад скрыжавання з вуліцай Бабкова і да вуліцы Савецкай. У пешаходнай зоне не проста намаляваная адмысловая лінія, але яшчэ і абазначаны выезды з двароў.
Раней веладарожка была толькі ў раёне Салянікава, але за сам раён дарожка так і не выйшла.
