Суд Кастрычніцкага раёна Віцебска абвясціў прысуд па справе аб гібелі 20-гадовага дэсантніка Віктара Калачынскага. Сёлета 22 красавіка яго цяжка траўміраваў армейскі аўтамабіль. Надзвычайнае здарэнне адбылося на тэрыторыі вайсковай часткі. На наступны дзень салдат памёр у бальніцы. Абвінавачаны — 19-гадовы кіроўца МАЗа і калега загінулага Мікалай Атрушкевіч — атрымаў 2 гады пазбаўлення волі з выпрабавальным тэрмінам на такі ж тэрмін. Ён таксама не зможа вадзіць транспарт на працягу 5 гадоў.
Маці і бацька загінулага Віктара Калачынскага з'яўляліся пацярпелымі. У судзе яны не прысутнічалі, напісаўшы заяву, што просяць разгледзець справу без іх удзелу — «па сямейных абставінах і маральных прычынах». Бацькі дэсантніка не заявілі якіх-кольвечы зыскавых патрабаванняў, што датычыць пакарання абвінавачанаму.
