Даволі нядаўна ў Беларусі змяніліся правілы правядзення масавых мерапрыемстваў (пікеты, мітынг). Таксама зусім нядаўна ў Беларусі ўвялі новыя правілы прызыву ў войска, паводле якіх адтэрміновак на паступленне ў навучальныя ўстановы стала меньш.

Студэнт аршанскага педколеджа (цяпер гэта коледж пра ўніверсітэце Машэрава) вырашыў публічна выступіць супраць адмены адтэрміновак скарыстаўшыся законам пра масавыя мерапрыемствы. Ён падаў заяву ў выканкам аб правядзенні адзіночнага пікету ў Парку Герояў - паведамляе Правабарончы цэнтар "Вясна" на сваім сайце.

20 жніўня Данііла, як яго назвалі на сайце, разам з маці выклікалі да дырэктара коледжа Анатоля Зуева. Яшчэ да сустрэчы з начальнікам коледжу, маці Данііла пракансультавалася з участковым міліцыянтам, чым можа пагражаць правядзенне пікету. І той ёй выдаў першыя пагрозы: маці могуць выгнаць з працы, Данііла з коледжу і ўвогуле праблемаў не абярэшся.

Дырэктар коледжу таксама казаў пра непрыемнасці, якія напаткаюць сям'ю, калі такі пікет пройдзе. Праўда, ён у размове казаў пра несанкцыянаваны пікет, які быццам плануе правесці Данііл (хаця той падаў адпаведную заяву і планаваў правесці яго ў адпаведнасці з законам). Паводле словаў Данііла, дырэктар каледжу казаў, што з-за пікету будуць праблемы і ў студэнат, і ў яго маці. А яшчэ правядзенне законнай акцыі пратэсту застанецца пляма на каледжы і ва ўсіх у каледжы будуць тады праблемы.

Цалкам прачытаць пра сітуацыю з Даніілам можна тут.