Надвор’е стала зноў па летняму цёплым, гэта спрыяе адпачынку, але не спрыяе пажарнай бяспецы тым больш пры работах з сухой травой. Зусім нядаўна вялікі пажар адбыўся на полі прадпрыемства «Задняпроўскі», а новая зводка МНС паведамляе пра новы пажар у полі агракамбінату «Юбілейны».
Па інфармацыі сайту МНС, на полі каля Краснапольцаў пад час прыборкі саломы загарэўся прэс-падборшчык. Прэс-пад’ёмнік гэта такі прычэм, які падбірае салому і трамбуе яе ў цюкі.
Прэс загарэўся 27 жніўня каля 16 гадзін. Для яго тушэння былі выкліканы ратавальнікі, але па-сутнасці, выратаваць прычэп не атрымалася — ён атрымаў моцныя пашкоджанні і наўрадці зможа вярнуцца на палі. Хаця выраблены быў у 2013 годзе. Пацярпелых няма, прычына пажару пакуль высвятляецца.
