Скончылася фармаванне акруговых выбарчых камісіяў па выбарах новых дэпутатаў Палаты Прадстаўнікоў. Хаця гэтыя камісіі не так ужо шмат уплываюць на вынікі падліку галасоў — асноўныя фальсіфікацыі адбываюцца на ўзроўні ўчастковых камісій — фармаванне гэтых камісій гэта пэўная праверка на тое наколькі дэмакратычнымі будуць выбары.
Традыцыйна нас не чакае нічога новага. На тры акругі (№ 25, № 26 і № 30) у нашым і суседніх раёнах Віцебскай вобласці ў камісію дапушчаны толькі адзін прадстаўнік дэмакратычных арганізацый. Па 25 акрузе з 17 заявак на ўдзел у акруговых камісіях былі абраныя 13 чалавек. У ліку тых хто не прайшоў «адбор»: прадстаўнік «Руху „За свабоду“», «Гавары праўду», партыі «Справядлівы Свет» і Аб’яднанай грамадзянскай партыі. Затое без праблемаў прайшлі ўдзельнікі праўладных партыяў: КПБ, «Партыя працы і справядлівасці», Ліьеральна-дэмакратычнай партыі, якія і будуць рабіць бачнасць прадстаўнічасці палітычных арганізацый у камісіі.
Такая ж сітуацыя і на акрузе № 26. Тут не прайшлі ў камісію тры чалавекі і ўсе яны вылучэнцы дэмакратычных арганізацый: «Гавары праўду», Рух «За свабоду», «Справядлівы Свет».
Варта адзначыць, што ў гэтым годзе абластныя ўлады ўсё ж дапусцілі да ўдзелу ў выбарах дэмакратычных актывістаў. З 14 акругаў створаных па вобласці без дэмакратаў акрамя аршанскіх акругаў засталіся ўсяго толькі яшчэ тры. У астатніх 9 акругах па адным дэмакраце прысутнічае. Прадстаўніка дэмакратычнага руху ўключылі і ў суседнюю Сененскую акругу № 30 — тут у камісіі будзе ўдзельнічаць прадстаўнік Беларускай сацыял-дэмакратычнай партыі (Грамада).
Сярод тых хто ўзначаліў камісіі таксама мала навінак — камісію акругі № 26 (Аршанская-Дняпроўская) узначаліў Мікалай Давідовіч, які ўзначальвае выбарчыя камісіі на Аршаншчыне ўжо каторы год. Па
