Але гэта зусім не значыць, што аршанцы застануцца без ТБ, на змену аналагавага прыйдзе тэлебачанне лічбавае.
Згодна з графікам паэтапнага адключэння аналагавага тэлевізійнага вяшчання на тэрыторыі Рэспублікі Беларусь ў 2014 годзе з 1 чэрвеня спыняецца вяшчанне дзяржаўных праграм аналагавага тэлебачання «РТР-Беларусь», «НТВ- Беларусь», «Беларусь-2» з радыётэлевізійнай станцыі ў вёсцы Абухава, «НТВ- Беларусь», «Беларусь-2» з радыётэлевізійнай станцыі ў г. Магілёў.
У цяперашні час на тэрыторыі Аршанскага раёна ў залежнасці ад месца размяшчэння і рэльефу мясцовасці магчымы ўпэўнены эфірны прыём дадзеных праграм у лічбавым фармаце.
Для прыёму сігналаў эфірнага лічбавага тэлевізійнага вяшчання неабходна:
1. Набыць у гандлёвай сетцы лічбавую тэлевізійную прыстаўку, якая падтрымлівае стандарт DVB -T і фармат кадзіравання (сціску) MPEG -4, якая падключаецца да звычайнага тэлевізара, альбо лічбавы тэлевізійны прыёмнік (тэлевізар), які падтрымлівае стандарт DVB-T і фармат кадзіравання (сціску) MPEG -4;
2 . Усталяваць індывідуальную прыёмную тэлевізійную антэну дэцыметровага дыяпазону хваляў (470-862 Мгц) з гарызантальнай палярызацыяй. Рэкамендуецца выкарыстоўваць прыёмныя антэны вытворчасці ААТ «Віцязь», ВПУП «Вертекс -Брэст», альбо антэны тыпу «Дэльта» расійскай вытворчасці. Для аддаленых ад радыётэлевізійнай станцыі раёнаў у залежнасці ад адлегласці і рэльефу мясцовасці рэкамендуецца ўстаноўка вонкавай антэны на вышыні не менш за 10 м;
3 . Зарыентаваць прыёмную тэлевізійную антэну ў бок бліжэйшай радыётэлевізійнай станцыі (РТПС);
4 . Наладзіць лічбавы тэлевізійны прыёмнік (тэлевізар) або тэлевізійную прыстаўку паводле інструкцыі па эксплуатацыі на частату лічбавага перадатчыка бліжэйшай радыётэлевізійнай станцыі (РТПС).
Інфармацыю аб развіцці эфірнага лічбавага тэлебачання ў Рэспубліцы Беларусь і арганізацыі эфірнага прыёму тэлепраграм лічбавага фармату вы можаце даведацца на інтэрнэт -сайце РУП «БРТПЦ» (www.brtpc.by), альбо патэлефанаваўшы ў бясплатную даведачна-інфармацыйную службу на кароткі нумар «172» са стацыянарнай тэлефоннай сеткі.
Для абанентаў кабельных сетак і « ZALA » усё застанецца без змен.
