Рэгіён, Здарэнні

Абакраў школьніцу ў школе

16.10.2019 12:11

2777 праглядаў, 0 каментароў

Родзіч вартаўніцы сам аказаўся злачынцам

Сын школьнай вартаўніцы — малады 27-гадовы не працуючы чалавек — прыйшоў да сваёй маці на работу ў адну са школаў Талачынскага раёна. Пакуль ён знаходзіўся ў школе, маці адыйшла са свайго паста на некаторы час. Гэтым і скарыстаўся нерадзівы сын. Ён схапіў ключы ад прыватных шафаў вучняў і пачаў іх па чарзе адчыняць.

Увагу маладога злачынцы прыцягнула вопратка адной з 9-класніцаў чыю шафку ён змог адчыніць. Сабе ён забраў кеды і майку вучаніцы, якія пазней міліцыя ацаніла ў 122 рублі.

Хутка развітаўшыся з маці, злачынца пайшоў да хаты і схаваў скрадзенае на прыдамавым участку, адмыслова зрабіўшы схованку. Але схованка не дапамагла — міліцыя знайшла і злачынцу і скрадзеныя рэчы. Цяпер супраць сына вартаўніцы заведзена крымінальная справа.