У Магілёўскую вобласць наш клуб адправіцца на сустрэчу 5-га туру 2-й лігі. Пакуль аршанцы набралі 10 пунктаў з 12 магчымых і саступаюць у табліцы толькі "Жлобіну", які выйграў усе паядынкі. "Асіповічы" набралі 7 балаў і займаюць 5-ты радок.
У апошнія тры гады матчы "Оршы" і "Асіповічаў" сканчаюцца пераважна на карысць нашых супернікаў. У апошніх 6 матчах "Асіповічы" выйгралі 4 разы, а "Орша" 2. Прычым абедзве перамогі "сіня-белыя" святкавалі якраз у гасцявых матчах.
Матч "Асіповічы" - "Орша" адбудзецца 1 чэрвеня на стадыёне "Юнацтва" ў Асіповічах і пачнецца а 18-00.
